Væntanlegt Forynju I-Got
Þá er það staðfest að svarta perlan okkar hún Nana Primo Grande á von á sínu fyrsta goti seinni hluta mars. Verður þetta fyrsta got undan svörtum Schäfer á Íslandi og erum við virkilega spennt fyrir þessari pörun.
Faðir hvolpanna er hinn æðislegi innflutti meistari ISCh ISJCh OB-I Ivan von Arlett, en hefur hann sjálfur náð frábærum árangri í vinnu og á sýningun. Afkvæmi hans eru ekki af síðri endanum heldur, en hafa afkvæmi hans unnið, besti hvolpur sýningar, besti Ungliði tegundar og besti hundur tegundar ásamt því að 1 afkvæmi er orðið ungliðameistari. Dóttir hans Ívans braut blað í sögu síðhærðra Schäfera á Íslandi þegar að hún varð fyrsti síðhærði Schäfer landsins til þess að sigra tegundarhóp 1.
Nana kom til okkar frá Póllandi í byrjun árs 2022 og hefur brætt alla í kringum sig síðan þá. Hún hefur hlotið excellent á sýningum og er virkilega efnileg í vinnu. Nana er undan einum þekktasta svarta rakka í heimi honum Rio Dei Colli Storici, en hann náði lengst allra snögghærðra svartra rakka á sieger show í Þýskalandi og er vinsæll ræktunarhundur um alla Evrópu. Nana er einstaklega skemmtilegur karakter, uppátækjasöm, ljúf og leik glöð. Einnig er hún einstaklega heilsuhraust tík með A1 mjaðmir og olnboga.
Bíðum við með mikilli eftirvæntingu eftir hvolpunum sem eru væntanlegir um 22. Mars. Mesta spennan liggur í því hvort við fáum svarta hvolpa, en til þess að þeir geti komið verða báðir foreldrar að bera svarta genið. Krossum við því fingur og tær að svartir kolamolar bætist í Forynju hópinn.
Áhugasamir um hvolp úr gotinu geta haft samband á forynju@gmail.com
