Á síðustu sýningu ársins gekk okkur vel að vanda, Forynju Hroki endaði árið með stæl og bætti við sig 2 titlum. Hroki varð BOS ungliði og varð bæði Ungliðameistari - ISJCh og Íslenskur ungliða Winner 2023 - ISJW-23. Svo mætti prinsessan á bauninni hún Gló og bætti í titla safnið sitt, en varð hún enn og aftur besta tík tegundar, hlaut sitt 3. Íslenska meistarastig og fyrsta norðurlanda meistarastig, hlaut titilinn ISW-23 og endaði árið sem stigahæsta snögghærða schäfertík ársins.
Forynju ræktun átti einnig besta ræktunarhóp tegundar og endaði hópurinn sem besti ræktunarhópur sýningar. Tryggði það okkur öruggt 3. Sæti yfir stigahæstu ræktendur HRFÍ yfir allar tegundir. Vorum við lang stigahæsta Schäfer ræktunin hjá HRFÍ og hjá Schäfer deildinni erum við langt fyrir ofan næsta ræktanda í snögghærða afbrigðinu. Getum við ekki verið annað en ofur stolt af litlu og ungu ræktuninni okkar og hlökkum til næsta árs.
Takk allir frábæru eigendur Forynju hundanna og sýnendurnir okkar, án ykkar væri þetta bara draumur
