OB-II OB-I Vonziu's Asynja

VIð skelltum okkur í smá myndatöku með hana Ynju okkar í sumar sólinni í vikunni. Þessi gullfallega tík er í miklu uppáhaldi þótt að það sé ljótt að gera uppá milli ! Vinnuglaðari og skemmtilegri hund er varla hægt að finna (þótt að dóttir hennar, Aska, fylgi fast á hæla hennar) og ekki skemmir það fyrir hversu falleg hún er.

Ynja stand.jpg

Ivan von Arlett kominn úr einangrun

Þá er prinsinn okkar hann Ivan loksinns kominn til okkar úr einangruninni og gætum við ekki verið ánæðgaðari með þennan fallega rakka ! Það var greinilega hugsað svo vel um hann í Einangrunarstöðunni. 
Ivan er 9 mánaða og kemur frá Þýskalandi úr hinni þekktu ræktun von Arlett. Mamma hans Ivans er hin glæsilega Andorra von Arlett  og pabbi hans er hinn ungi Giovanni von der Nadine sem varð V1 á Svissneska Sigershow núna um daginn.
Við getum ekki beðið eftir að fá hvolpa undan honum Ivan í framtíðinni !

36988158_10160726704610525_4662891112451538944_n.jpg

OB-I Forynju Aska !

Sunnudaginn 24.06 lauk Forynju Aska Hlýðni I í þriðja sinn með 1. einkunn og er þar með orðinn Hlýðni I meistari (OB-I). Aska hefur tekið þátt þrisvar sinnum í Hlýðni I hjá þremur mismunandi dómurum og hlotið 1. einkunn í öll skiptin.
Aska er einungis 17 mánaða gömul og er hún jafn gömul og mamma hennar Vonziu's Asynja var þegar hún lauk OB-I titlinum á sínum tíma. Gaman að segja frá því að þær mæðgur eru einnig yngstu hundarnir til að hljóta OB-I titilinn hér á landi.

Tvöföld útisýning HRFÍ og Ivan kominn til landsins.

Helgina 8-10. júní var haldin tvöföld útisýning á vegum HRFÍ, sýningin var haldin á Víðistaðatúninu í Hafnarfirði. Á föstudagskvöldinu var haldin hvolpasýning og keppni ungra sýnenda þar sem vinkona okkar hún Snærún Ynja keppti með hann Loka okkar. Snærún og Loki voru glæsileg saman og náðu í annað skipti í röð inná topp 7. 
Á laugardeginum var síðan haldin Reykjavík Winner og NKU sýning sem Morten Matthes frá Danmörku dæmdi. Síðan á sunnudeginum var haldin Alþjóðlegsýning þar sem hún Dina Korna frá Eistlandi dæmdi.

Niðurstöðurnar voru eftirfarandi:

Reykjavík Winner og NKU sýning 09.06.18
Snögghærðir : 
Ungliðaflokkur rakkar - Forynju Aston 1. sæti m. Excellent
Ungliðaflokkur tíkur - Forynju Aska 2. sæti m. Excellent
Síðhærðir : 
Ungliðaflokkur rakkar - Forynju Arlett 1. sæti m. Good.

Alþjóðlegsýning 10.06.18
Ungliðaflokkur rakkar - Forynju Aston 1. sæti m. Excellent
Ungliðaflokkur tíkur - Forynju Aska 2. sæti m. Very Good

Strax eftir sýninguna á mánudags morguninn skelltum við vinkonurnar okkur út til Þýskalands að ná í gullmolann okkar hann Ivan. Ivan er stórglæsilegur og ekki skemmir fyrir hvað hann er einstaklega góður og skemmtilegur hundur. Það verður löng bið eftir að fá hann úr einangruninni !

Ivan von Arlett

Þá er Mast búið að samþykkja alla pappírana hans Ivans og við fengum pláss í einangruninni fyrir hann í næsta holli sem er 11-13 júní. Þannig að núna er spennan að ná hámarki og fljúgum við út strax eftir helgi að ná í gullmolann ! Við getum ekki beðið eftir að fá hann í hendurnar.

Forynju Aska

VIð skelltum okkur í sýningarþjálfun hjá Schaferdeildinni í vikunni með hana Forynju Ösku og voru nokkrar myndir teknar á æfingunni. Aska sem varð 1 árs í lok janúar hefur þroskast gríðalega vel. Hún  er heilbrigð, geðgóð, vinnuglöð og falleg tík, við gætum ekki verið ánægðari með þessa skemmtilegu ungu tík.

Bronspróf í hundafimi

Sunnudaginn 27.05 var haldið Bronspróf í hundafimi á vegum Íþróttadeildar HRFÍ. Við ákváðum að skrá Vonziu's Asynju í prófið jafnvel þótt hún hefði ekki æft hundafimi í tæp tvö og hálft ár. Ynja Stóð sig mjög vel í prófinu og náði Bronsmerkinu með stæl,

 Ynja fín með Bronsmerkið sitt.

Ynja fín með Bronsmerkið sitt.

Hlýðnipróf 10.05

Þriðja hlýðnipróf ársinns var haldið í gær Uppstigningardag í reiðhöllinni Andvara og voru 10 hundar skráðir í prófið. Forynju Aska var skráð í annað sinn í Hlýðni I og endaði í 2. sæti af 6 hundum.  Aska stóð sig glæsilega í prófinu og fékk heil 179 stig af 200 möguleikum og fékk þar með sína aðra 1.einkunn og vantar hana því bara eina í viðbót til að ljúka OB-1 titlinum.
Við erum alveg í skýjunum með þessa glæsilegu og skemmtilegu tík sem gefur foreldrum sínum ekkert eftir vinnu.

Ivan von Arlett í Þýskalandi

Nú er Ivan okkar orðinn 6 mánaða gamall og nýtur lífsinns hjá vinum okkar í Þýskalandi.
Fengum sendar nýjar myndir af prinsinum leika sér í sumarsólinni með vinkonu sinni.

Vonziu's Asynja og Quentino von Arlett

Þá er Ynja okkar byrjuð að lóða og fór hún í viðring með Dino til að kynnast honum aðeins áður en að þau verða pöruð. Ef allt gengur upp munum við eiga von á hvolpum undan þeim seinna í sumar.